(روزنامہ قدس ۔آن لائن خبر رساں ادارہ) صیہونی ریاست کی جانب سے جاری طویل غیر قانونی ناکہ بندی ، بار بار کی مسلط کی گئی جنگوں اور زرعی بنیادی ڈھانچے کی تباہی نے غزہ کے شہریوں پر گہرے منفی اثرات مرتب کیے ہیں۔
قومی کمیٹی برائے فلسطین کی جانب سے جاری کردہ ایک رپورٹ میں انکشاف کیا گیا ہے کہ غزہ پر اسرائیل کی جانب سے جاری طویل غیر قانونی محاصرے کے نتیجے میں غزہ شہری انسانی بحران کا شکار ہیں 70 فیصد سے زائد شہری سنگین غذائی قلت کا سامنا کررہے ہیں ، غزہ کے عوام کو عالمی معیارکے مطابق خوراک دستیاب نہیں۔
پورٹ میں بتایا گیا ہے کہ غزہ کی پٹی میں زرعی اجناس کی پیداوار میں 50فی صد کمی آئی ہے۔ بے روزگاری کی شرح 45 فی صد ہے جو کہ دنیا بھر میں ایک ریکارڈ ہے۔غزہ کی پٹی میں آبی وسائل اور فشریز میں بھی 54 فی صد کمی آئی ہے۔ اسرائیلی بمباری سے غزہ میں 800 زرعی چشمےاور 30 فی صد زرعی اراضی تباہ کردی ہے۔