(روز نامہ قدس ۔آنلائن خبر رساں ادارہ ) صہیونی فوج غزہ میں اپنا غاصبانہ قبضہ برقرار رکھنے کےلیے آئے دن نہتے فلسطینیوں پر جنگی ہیلی کاپٹر اور اس قسم کےڈرون طیاروں سے جارحیت کرتی آئی ہے جن فلسطینی مزاحمت کار مقابلہ کر تے آئے ہیں۔
مقامی ذرائع ابلاغ کے مطابق گذشتہ شب مقبوضہ فلسطینی محصور علاقے غزہ کی فضائی حدود میں داخل ہونےوالی صیہونی ڈرون طیارے کوفلسطینی مذاحمت کاروں نے الشجاعیہ کے نزدیکی علاقے میں مار گرایا۔
صہیونی عسکری قیادت کی جانب سے یہ ڈروون طیارہ غزہ کی پٹی میں مزاحمت کاروں پر نظر رکھنے کے لیے خصوصاصیہونی ریاستی دہشتگردی کے خلاف برسرپیکار اسلامی مزاحمتی تحریک حماس کےحوالے سے خفیہ اطلاعات جمع کرنے اور ان کی نقل و حرکت کا پتہ لگانے کے لئے استعمال کیا گیا تھا جسے کامیابی سے تباہ کر دیا گیا۔
واضح رہے کہ اس قبل بھی رواں سال فروری کے مہینے میں تحریک حماس نے غزہ میں پندرہ روز کے دوران اسرائیلی چارڈرون طیارے مار گرائے تھے۔