غزہ کی امداد پر حملہ کرنے والے نیتن یاہو کی ملیشیا ہیں: اسرائیلی وزرا ایک دوسرے کے راز کھولنے لگے

(روز نامہ قدس ۔آنلائن خبر رساں ادارہ ) آج عالمی سطح پر جو رویہ اسرائیل کے ساتھ کیا جارہا ہے ماضی میں اس کی کوئی مثال نہیں ملتی ، نیتن یاہو اسرائیل کو تباہ کررہے ہیں۔

غیر قانونی صیہونی ریاست اسرائیل کے اپوزیشن لیڈر یائر لپڈ نے ایک بار پھر صیہونی وزیراعظم نیتن یاہو کو ملک دشمن قرار دیتے ہوئے کہا ہے کہ نیتن یاہو ہر وہ کام کررہے ہیں جس سے اسرائیل کی بدنام ہو۔

انھوں نے غزہ جانے والی امداد پر غیر قانونی صیہونی آبادکاروں کے حملوں کو تشویشناک قراردیتے ہوئے کہا ہے کہ اسرائیل کے راستے غزہ جانے والی امداد پر حملہ کرنے والے نیتن یاہو کی ملیشیا ہیں جن کو نیتن یاہو کی سرپرستی حاصل ہے اور یہ وہ لوگ ہیں جو اسرائیل کے تشخص کو شدید نقصان پہنچارہے ہیں۔

انھوں نے کہا کہ غزہ میں جس طرح جنگ کو ترتیب دیا جارہا ہے وہ جگ ہنسائی کا باعث بن رہی ہے ، سات ماہ گزر جانے کے باوجود ہم ابھی تک یرغمالیوں کو رہا کرانے سمیت کوئی بڑا فوجی ہدف حاصل نہیں کرسکے ہیں ، حماس آج بھی اسرائیل پر راکٹ حملے کرنے میں آزاد ہے