غزہ (روز نامہ قدس ۔آن لائن خبر رساں ادارہ) اسرائیلی فوج نے فلسطین کے علاقے غزہ کی پٹی پر آج پیر کو علی الصباح متعدد اہداف پر بمباری کی جس کے نتیجے میں املاک کو بھاری نقصان پہنچا تاہم اس کارروائی میں کسی قسم کے جانی نقصان کی تصدیق نہیں ہوئی۔
روز نامہ قدس کو موصول ہونے والی اطلاعات کے مطابق پیر کی صبح اسرائیلی ’’ایف 16‘‘جنگی طیاروں نے فلسطین کے شمال مغربی قصبے بیت لاھیا میں تابڑتوڑ بمباری کی جسسے درجنوں عمارتیں ملبے کاڈھیر بن گئیں۔ زیادہ نقصان عام شہریوں کی املاک کو پہنچا ہے۔
دوسری طرف اسرائیلی فوج نے رات گئےجنوبی غزہ میں خان یونس کے مقام پر متعدد مقامات پر بم گرائے جس کے نتیجے میں شہری املاک کو نقصان پہنچا ہے۔