(روز نامہ قدس ۔آنلائن خبر رساں ادارہ ) صہیونی فوجی گاڑیوں کے تصادم سے ایک اہلکار ہلاک ،دوسرا شدید زخمی جبکہ فوجی گاڑی مکمل تباہ۔
عبرانی خبر رساں ادارے کے مطابق گذشتہ روز مقبوضہ فلسطین کے محصور علاقے غزہ کی پٹی میں سرحد کے قریب الریم کے مقام پر اسرائیلی فوج کی دو گاڑیاں آپس میں ٹکرا گئیں جس کے نتیجے میں دو صہیونی فوجی اہلکار شدید زخمی ہوگئےاور دیگر اہلکاروں کے معمولی زخمی ہونے کی اطلاع ہےجبکہ گاڑی مکمل طور پر تباہ ہوگئیں۔
زخمی ہونے والے فوجی اہلکاروں کے حوالے سے اطلاع ہے کہ انہیں فوری طبی امداد کے لیے قریبی ہسپتال سوروکا لے جایا گیا تھا البتہ راستے میں ہی ان میں سے ایک فوجی جہنم واصل ہوگیا جبکہ دوسرے فوجی اہلکار کو ہسپتال منتقل کردیا گیا ہےجہاں اس کی حالت خطرے سے باہر بتائی جاتی ہے۔
خیال رہے کہ فوجی گاڑیوں کے تصادم کے نتیجے میں ہلاک ہونے والے اہلکار کو صہیونی فوج نےابھی ورثہ کے حوالے نہیں کیا گیا ہے۔