(روز نامہ قدس ۔آنلائن خبر رساں ادارہ ) عالمی وبا کورونا وائرس سے متاثرین میں روز بروز اضافے کی صورت میں فلسطینی وزارت صحت کی جانب سےحفاظتی اقدامات پر سختی سےعمل درآمد جاری۔
ذرائع کے مطابق مقبوضہ فلسطین میں غزہ کی پٹی میں کورونا وائرس سے متاثرہ افراد کی تعداد میں مسلسل اضافے کے بعدگذشتہ 24 گھنٹوں کے دوران 5 افراد وائرس کا نشانہ بنتے ہوئے موت کا شکار ہوئے ہیں جبکہ 1505 افراد کے لیبارٹری ٹیسٹ کے بعد کورونا سے متاثرہ 214 نئے مریضوں میں وباکی تشخیص ہوئی ہے۔
صورت حال کے پیش نظر غزہ کی وزارت صحت کی جانب سےحفاظتی تدابیر پرسختی سے عمل در آمد کرایا جارہا ہے تاکہ وبا کے پھیلاؤ میں کمی واقع ہوسکےتاہم غزہ میں کورونا سے بگڑتی صورت حال کو قابو میں لانے کے لیے بڑے پیمانے پر کورونا وائرس کے بچاؤ کی ویکسین کی عوام تک پہنچ کو یقینی بنانے کی ضرورت ہے۔