(روزنامہ قدس ۔آن لائن خبر رساں ادارہ) غزہ کی تمام گذرگاہوں پر سخت حفاظتی انتظامات کیے گئے ہیں،کسی بھی ہنگامی صورت حال سے نمٹنے کے لیے حکام کی طرف سے بھرپورتیاری کی گئی ہے۔
مقبوضہ فلسطین کے محصور شہر غزہ میں پریس کانفرنس کرتے ہوئے فلسطینی وزارت داخلہ کے ترجمان ایاد البزم کا کہنا تھا کہ دنیا بھرمیں تباہی مچانے والے کورونا وائرس کا اب تک غزہ میں کوئی کیس سامنے نہیں آیا تاہم وزارت داخلہ اور وزارت صحت نے اس حوالے سےٹھوس اقدامات کیئے ہیں ۔
ان کا کہنا تھا کہ کہ غزہ میں خطرناک وائرس سے بچاؤکے لیے سخت حفاظتی اقدامات کے تحت غزہ کی تمام گذرگاہوں پر سخت حفاظتی انتظامات کیے گئے ہیں اور کسی بھی ہنگامی صورت حال سے نمٹنے کے لیے حکام کی جانب سے بھرپور تیاری کی گئی ہے ۔
انھوں نےبتایا کہ مالیاتی مقدمات میں قید ملزمان کو ایک ہفتے کے لیے ان کے گھروں میں منتقل کیا گیا ہے، ان کی گھروں میں قیام کی مدت میں توسیع کی جائے گی، معمولی نوعیت کے مقدمات میں گرفتار افراد کو بھی گھروں میں منتقل کیا گیا ہے جبکہ ایسے تمام قیدی جو اپنی قید کا ایک تہائی حصہ مکمل کرچکے ہیں کو رہا کیا جا رہا ہے۔