(روز نامہ قدس ۔آنلائن خبر رساں ادارہ ) حزب اللہ فلسطینیوں کی تحریک آزادی اور قابض صہیونی ریاست کے جرائم کے خلاف مزاحمت کی حمایت جاری رکھے گی۔
لبنان کی مزاحمتی تحریک حزب اللہ کی طرف سے جاری ایک بیان میں غزہ میں فلسطینی شہید کی لاش کی بے حرمتی اور دمشق میں اسلامی جہاد کے مراکز پر اسرائیلی بمباری کو بزدلانہ حملہ قرار دیتے ہوئے کہا ہے کہ اس جرم کی جتنی مذمت کی جائے کم ہے، غزہ کی پٹی میں شہید فلسطینی کو جس بے دردی کے ساتھ شہید کیا اور اس کے بعد اس کی لاش کی بے حرمتی کی وہ ناقابل قبول اور ناقابل معافی جرم ہے۔
بیان میں کہا گیا ہے کہ حزب اللہ فلسطینیوں کی تحریک آزادی اور قابض صہیونی ریاست کے جرائم کے خلاف مزاحمت کی حمایت جاری رکھے گی۔خیال رہے کہ اسرائیلی فوج نے گذشتہ روز غزہ اور دمشق میں اسلامی جہاد کے مراکز پربمباری کی تھی جس کے نتیجے میں اسلامی جہاد کے متعدد مجاھد شہید ہوگئے تھے۔