(روز نامہ قدس ۔آنلائن خبر رساں ادارہ )صیہونی ریاست نے غزہ میں اپنے ڈرون مارگرا نے کی تصدیق کرتے ہوئے کہا ہے کہ گرائے جانے والے ڈرون سے حساس معلومات حاصل نہیں کی جاسکتی ہے۔
مقامی ذرائع کے مطابق مقبوضہ فلسطین کے محصور شہر غزہ کے سرحدی علاقے بیت ھانون میں فلسطینی مزاحمت کاروں نے قابض صیہونی ریاست اسرائیل کے جاسوس ڈرون کو مار گرایاہے، اس حوالے سے فلسطینی حکام کی جانب سے کسی قسم کے ردعمل اور بیان کا اظہارنہیںکیا گیا ہے تاہم صیہونی ریاست نے اپنے جاسوس ڈرون کےمارگرائے جانے کی تصدیق کرتے ہوئے کہا ہے کہ ڈرون سے کسی قسم کی حساس معلومات حاصل نہیں کی جاسکتی ہے ۔