(روزنامہ قدس ۔آن لائن خبر رساں ادارہ) صیہونی فوج کی جانب سے غزہ کے کاشتکاروں پر بلا اشتعال فائرنگ کی گئی تاہم کسی کے زخمی ہونے کی اطلاع موصول نہیں ہوگئی۔
مقامی ذرائع نے بتایا ہے کہ قابض صہیونی فوجیوں نے غزہ جنوب میں خان یونس کے مشرقی سرحدی علاقے میں اپنی زمینوں پر کام کرنے والے کاشتکاروں پر اس وقت بلا اشتعال فائرنگ کردی جب وہ اپنے کاموں میں مصروف تھے ۔
ذرائع کا کہناہے کہ صیہونی فوج کے اسنائپرز نے فلسطینی کاشتکاروں اور املاک کو نشانہ بنایا تاہم کسی کے زخمی ہونے کی اطلاع نہیں ملی ۔
واضح رہے کہ قابض فوج کی جانب سے غزہ کے سرحدی علاقوںمیں کام کرنے والے فلسطینیوں پر فائرنگ معمول ہے جبکہ سرحدی علاقوں سے فلسطینیوں کو اغواء کرکے ان پر الزام عائد کیا جاتا ہے کہ وہ غیر قانونی طورپر سرحد کو عبور کرنے کی کوشش کررہے تھے۔