(روز نامہ قدس ۔آنلائن خبر رساں ادارہ ) قابض صیہونی فوج نے غزہ کے سرحدی علاقے میں فلسطینی کسان کو گولیاں مارکر شدید زخمی کردیا ، زخمی کی حالت خطرے سے باہر ہے تاہم زخموں کی نوعیت شدید ہے۔
مقامی ذرائع کے مطابق قابض صیہونی فوج نےمقبوضہ فلسطین کے محصور شہر غزہ کے سرحدی علاقے بیت لاھیا میں ایک فلسطینی کسان کو گولیاں مارکر اس وقت شدید زخمی کردیا جب وہ اپنے کھیتوں میں کام میں مصروف تھا۔
زخمی کسان کو فوری طورپر انڈونیشی اسپتال منتقل کیا گیا ہے جہاں اس کی حالت خطرے سے باہر بیان کی جاتی ہےتاہم زخموں کی نوعیت شدید ہے ۔
صیہونی فوج کا کہنا ہے کہ غزہ سے غیر قانونی طورپر اسرائیل میں گھسنے کی کوشش پر کارروائی کی جاتی ہے جبکہ عینی شاہدین کا کہنا ہے کہ غزہ سے کوئی بھی اسرائیل میں داخل ہونے کی کوشش نہیں کرتا اسرائیلی فوج ریاستی دہشتگردی کا مظاہرہ کرتےہوئے فلسطینیوں کا قتل عام کررہی ہے۔
واضح رہے کہ قابض صیہونی کی جانب سے فوج غزہ کے سرحدی علاقوں میں مصروف فلسطینیوں پر فائرنگ ، ان کا اغوا اور زرعی زمینوں پرکھڑی فصلوں کو تباہ کرنا معمول بن گیا ہے