(روزنامہ قدس ۔آن لائن خبر رساں ادارہ) صیہونی فوج کی جانب سے گھر گھر تلاشی کے دوران لو ٹ مار کے خلاف فلسطینی باشندوں اور اسرائیلی فوج کے درمیان جھڑپیں بھی ہوئیں۔
ذرائع کے مطابق صیہونی فوج نے مقبوضہ غرب اردن کے مختلف علاقوں میں چھاپہ مار کارروائیاں کی ، گھر گھر تلاشی کے نام پر روایتی لوٹ ماراور رہائشیوں کو زدکوب کیا جس کے خلاف فلسطینی نوجوانوں نے صیہونی فوج پر پتھراؤ کیا ۔
قابض فوج نے مظاہرین کو منتشر کرنے کیلئے فائرنگ اور آنسو گیس کی شیلنگ کی تاہم کسی جانی نقصان کی اطلاع نہیں ملی ۔
غرب اردن کے شمالی شہر طوباس میں اسرائیلی فوج نے تلاشی کےد وران عزام جوابرہ، زکریا فائز شمحاوی، نعمان ناصر بنی عودہ، نابلس سے ھشام بشکار، شمالی الخلیل میں اشرف شمسانہ، سابق اسیر موسیٰ حامد اور القدس میں شعفاط کالونی میں ایک فلسطینی شہری کو حراست میں لے لیا۔