(روزنامہ قدس ۔آن لائن خبر رساں ادارہ ) اسلامی جہادکے سیکریٹری جنرل نے عید الاضحیٰ پر اپنے خصوصی پیغام میں کہا ہےکہ دنیا کی کوئی طاقت فلسطینیوں کےحوصلے کو پست نہیں کرسکتی، ہمیں آپسی اختلافات بھلاکر صیہونی دشمن کے خلاف متحدہ ہوناہوگا۔
فلسطینی مزاحمتی تحریک اسلامی جہادکے سیکریٹری جنرل زیاد النخالہ نے عید الاضحیٰ پر اپنے خصوصی پیغام میں تمام عالم اسلام کو مبارکباد دیتےہوئےکہاہے کہ وہ دن دور نہیں جب ہم قابض دشمن سے ارض فلسطین کو آزاد کرائیں گے۔
انھوں نے کہا کہ شہداءکا خون کبھی رائیگاں نہیں جاسکتا دنیا کی کوئی طاقت فلسطینیوں کے حوصلےکو پست نہیں کرسکتی، ہمیں آپسی اختلافات بھلاکر صیہونی دشمن کے خلاف متحدہ ہونا ہوگا۔