(روزنامہ قدس ۔آن لائن خبر رساں ادارہ ) صیہونی ریاست نے چار روزہ عید الاضحی کی تعطیلات کے دوران4بچوں سمیت 33 فلسطینیوں کو بھی گرفتار کیا۔
فلسطینی قیدیوں کی تفصیلات فراہم کرنے والے ادارے کی جانب سے جاری رپورٹ میں بتایاگیا ہے کہ صبح سویرے قابض صیہونی فوج نے مقبوضہ فلسطین کے مختلف شہروں اور قصبوں میں چھاپہ مار کارروائیوں کے دوران 13 فلسطینیوں کو حراست میں لیا۔
مقبوضہ بیت المقدس کے شہر رام اللہ میں چھاپے کے دوران 28 سالہ فلسطینی طالبہ تسنیم القاضی کے گھر میں توڑ پھوڑ کرنے کے بعد حراست میں لیا ، مقبوضہ مغربی کنارے کے شمالی ضلع جنین میں چار فلسطینیوں کو گرفتارکیا ، نابلس ضلع کے عارف گاؤں سے دو کو ، قلقیلیہ سے ایک ، جنوبی مغربی کنارے کے شہر بیت عمار سے ایک ، اریحا شہر میں عیسیٰ جابر پناہ گزین کیمپ سے ایک اور مقبوضہ مشرقی بیت المقدس سے دو فلسطینیوں کو گرفتارکیا ۔
واضح رہے کہ قابض صیہونی فوج نے چار روزہ عید الاضحی کی تعطیلات کے دوران4بچوں سمیت 33 فلسطینیوں کو بھی گرفتار کیا۔