(روز نامہ قدس ۔آنلائن خبر رساں ادارہ )اسرائیل کو خدشہ ہے کہ عالمی عدالت مقبوضہ فلسطین کے خلاف سنگین جنگی جرائم کو مدنظر رکھتے ہوئے سخت ترین اقدامات سے بھی دریغ نہیں کرے گی۔
رپورٹ میں کہا گیا ہے کہ عالمی فوجداری عدالت کی پراسیکیوٹر فتو بینساؤڈا جو پچھلے نو سال سے اس عہدے پر فائز ہیں آنے والے ہفتوں میں سبکدوش ہو رہی ہیں ، اسرائیل عالمی فوجداری عدالت کے اگلے پراسیکیوٹر کے انتخاب میں امریکا کے اثررسوخ کو استعمال کرتے ہوئے اپنی مرضی کے پراسیکیوٹر کی تعیناتی کی کوشش کررہا ہے تاکہ عالمی فوجداری عدالت میں مقبوضہ فلسطین اور غزہ کے خلاف 2014 میں انسانی حقوق کی سنگین خلاف ورزیوں اور جنگی جرائم کے خلاف ہونےوالے اقدامات سے جتنا ممکن ہو بچ سکے۔
واضح رہے کہ پراسیکیوٹر جنرل بینساؤڈا نےاسرائیلی جنگی جرائم کے خلاف مقدمے کی سماعت کیلئے تیاری کرتےہوئے کہا تھا کہ بین الاقوامی فوجداری عدالت اپنے پیش رووں کے برعکس ترقی پذیر دنیا میں جنگی جرائم کی تحقیقات کرنے والوں کے خلاف قانونی چارہ جوئی کرے گی، انسانیت کے خلاف ہونے والے جرائم کی اعلیٰ سطح پر تحقیقات عالمی فوج داری عدالت کی ذمہ داریوں کا حصہ ہے۔