(روزنامہ قدس ۔آن لائن خبر رساں ادارہ) شہید کے گھر پر صیہونی پولیس کے حملے کے بعد مقامی باشندوں نے قابض فوجیوں سے مزاحمت کی جس کے بعد اسرائیلی فوج نے آنسو گیس کی شیلنگ کی اور دو فلسطینی نوجوانوں کو گرفتار کرلیا۔
مقامی ذرائع کے مطابق چند روز قبل مقبوضہ بیت المقدس کے پرانے شہر میں صیہونی فوج کے ہاتھوں شہید ہونے والا32 سالہ ذہنی معذور فلسطینی ایاد الحاق کے ودی الجوز میں واقع گھر پر اسرائیلی فوج نے گزشتہ روز چھاپہ مار کارروائی کی شہید کے سوگ کے لیے جمع لوگوں کیلئے نصب کیے خیموں پر تلاشی کے نام پر حملہ کیا ۔
اسرائیلی پولیس شہید کے گھر میں زبردستی گھسی اور نصب خیمے کی تلاشی لی جس سے ہمسایہ فلسطینیوں اور اسرائیلی فوجیوں میں جھڑپیں پھوٹ پڑیں۔حملے کے دوران اسرائیلی فوجیوں نے کم ازکم دو فلسطینیوں کو حراست میں لیا۔
اس سے قبل شدت پسند یہودی مذہبی پیشوا یہودا گلیک نے شرپسندصیہونیوں کے ہمراہ شہید کے تعزیتی خیمے حملہ کرنے کی کی کوشش کی تاہم فلسطینی نوجوانوں نے اس حملے کو ناکام بنا دیا جس کے بعد اسرائیلی پولیس نے حملہ کیا ۔