(روزنامہ قدس ۔آن لائن خبر رساں ادارہ) فلسطین کی مزاحمتی تحریک نے اسرائیلی وزیر کے بیان کی شدید الفاظ میں مذمت کرتے ہوئے کہا ہے کہ اسرائیلی وزیر دفاع نے ثابت کیا ہے کہ اسرائیل فلسطینی قوم کے خلاف ریاستی دہشت گردی کا مرتکب ہو رہا ہے۔
عوامی محاذ برائے آزادی فلسطین کی جانب سے جاری ایک بیان میں اسرائیلی وزیر دفاع نفتالی بینیٹ کے اس بیان کی شدید مذمت کی ہے جس میں انہوںنے 30 فلسطینی رہ نماؤں کو قاتلانہ حملوں میں شہید کرنے کا اعتراف کیا ہے۔
بیان میںکہا گیا ہےکہ اسرائیلی وزیر دفاع کے بیان سے صہیونی ریاست کی فلسطینی قوم کے خلاف مجرمانہ ذہنیت کی عکاسی ہوتی ہے، اسرائیلی وزیر دفاع کا بیان فلسطینی قوم کے خلاف اسرائیلی ریاستی دہشت گردی کا عکاس ہے۔