(روزنامہ قدس ۔آن لائن خبر رساں ادارہ ) اسرائیلی وزیر جنگ نے کہا کہ صیہونی ریاست کو فلسطینی شہدا کی لاشوں کی واپسی کےحوالے سے سخت پالیسی کو اپنانا ہوگا تاکہ اسرائیل کے خلاف مزاحمتی کارروائیوں کو روکا جاسکے۔
اسرائیلی وزیرجنگ اور سابق صیہونی آرمی چیف بینجمن گینٹز نے صیہونی فوجیوں کے ہاتھوں شہیدہونےو الے فلسطینی نوجوان احمد عریقات کے جسد خاکی کو لواحقین کےحوالے کرنےکیلئے قابض ریاست کی طرف سے سپریم کورٹ میں جمع کروائے گئے جواب میں تجویز دی ہےکہ اسرائیلی فوجیوں کے قتل میں ملوث فلسطینیوں کے جسدخاکی کو غیرمعمولی حالات کے سواکبھی بھی لواحقین کے حوالے نہیں کرنا چاہئے۔
ذرائع کا کہنا ہے کہ آنے والے دنوں میں میں اس بینی گینٹز کی اس تجویز کو پولیٹیکل سکیورٹی کابینہ سے منظور کراکر قانون کا حصہ بنا دیا جائے گا۔
واضح رہے کہ قابض صیہونی فوج کے قبضے میں شہید احمدعریقات سمیت 63فلسطینی شہداء کے جسد خاکی ہیں جو لواحقین کے حوالے نہیں کئے جارہے ہیں جن میں سے بعض گزشتہ 3 سالوں سے صیہونی فوج کے قبضے میں ہیں۔