(روزنامہ قدس ۔آن لائن خبر رساں ادارہ( صیہونی فوج نے شہید فلسطینی مصباح ابو صبیح کے بیٹے کو بیت المقدس کے نواحی علااقے سے ایک بار پھر گرفتارکرکے عقوبت خانےمنتقل کردیا ۔
مقامی ذرائع کے مطابق صیہونی فوج نے گزشتہ روز شہید فلسطینی مصباح ابو صبیح کے 23 سالہ بیٹے صبیح ابوصبیح کو مقبوضہ بیت المقدس کے نواحی علاقے الرام اس وقت گرفتارکیا جب وہ اپنے گھر جارہے تھے۔
اسرائیلی فوج نے صبیح ابو صبیح کےوالد مصباح کو 9 اکتوبر2016ء کو اس وقت گولیاں مار کر شہید کردیا جب انہوں نے دوہری مزاحمتی کارروائی میں اسرائیل کی ایلیٹ فورس کی یونٹ ‘الیسام’ کے دو فوجیوں کو جہنم واصل کیا اور چھ کو زخمی کردیا تھا۔
واضح رہے کہ صبیح ابو صبیح 8 ماہ اسرائیلی جیل میں قید کاٹنے کے بعد دو روز قبل رہا کیا گیا تھا مگر رہائی کے کچھ ہی دیر بعد دوبارہ حراست میں لے لیا ہے ۔