(روز نامہ قدس ۔آنلائن خبر رساں ادارہ ) قابض فوج نے مقبوضہ فلسطین کے مختلف علاقوں میں چھاپہ مار کارروائیوں کے دوران گھروں میں لوٹ مار کے ساتھ خواتین اور بچوں کو تشدد کا نشانہ بناتے ہوئے متعدد فلسطینی نوجوانوں کو گرفتارکرلیا۔
مقامی ذرائع کے مطابق گذشتہ روز صیہونی فوج نے مقبوضہ فلسطین کے مغربی کنارے کے مختلف شہروں میں چھاپہ مار کارروائیوں کا آغاز کیا اور اس دوران روائیتی لوٹ مار کےساتھ مکینوں کو تشدد کا نشانہ بھی بنایا۔مقبوضہ بیت المقدس کے مغربی شہر جننق میں رمانہ کے مقام پر ابودیر بلحہ کو گرفتار کیا جبکہ اریحا شہر سے شہری سعد ابو علی کو گرفتار کیاگیا، جبکہ بیت لحم سے 21 سالہ سابق اسیر ابراہیم سلمان دعدو اور احمد عیٰمں کو ان کے گھروں سے اٹھالیا۔
رام اللہ میں تلاشی کے دوران 30 سالہ مجد جرار، البراہ سے 22 سالہ سعد زلوم، برازیت سے 39 سالہ محمد سلمان کنعان کی گرفتاری عمل میں لائی گئی۔ الخلیل شہر میں تلاشی کے دوران 29 سالہ علی عبدالغفاردوفش کو اس کے گھر سے گرفتار کیااور اس کی گاڑی بھی ضبط کی گئی۔