(روزنامہ قدس ۔آن لائن خبر رساں ادارہ) صیہونی فوج نے مقبوضہ مغربی کنارے میں گھر گھر تلاشی کے نام پر لوٹ مار کرتے ہوئے ایک 12 سالہ بچےسمیت 7 فلسطینی نوجوانوں کو گرفتارکرکے نامعلوم مقامات پر منتقل کردیا۔
مقامی ذرائع کا کہنا ہے کہ قابض صیہونی فوج نےمقبوضہ فلسطین کے مغربی کنارے کے علاقوں میں گھر گھر تلاشی کے نام پر روایتی لوٹ مار اور توڑپھوڑ کی اور رہائشوں کو تشدد کا نشانہ بنایا۔
صیہونی فوج نے بیت لحم میں وادی معالی سے 24 سالہ ابراہیم عطا الھریمی اور شاہراہ الصف سے 23 سالہ مراد عبداللہ ابو عاھور کو حراست میں لیا۔بیت لحم کے جنوبی قصبے تقوع میں اسرائیلی فوج کی چھاپہ مار کارروائی میں 21 سالہ عنان موسیٰ البدن 12 سالہ عمران الدبین اور 28 سالہ حمزہ امین صباح کی گرفتاری عمل میں لائی گئی۔
اسرائیلی فوج نے غرب اردن کے جنوبی شہر بیت لحم سے چارفلسطینیوں کو حراست میں لیا، دو فلسطینیوں کو شمالی شہر قلقیلیہ اور دو کو طولکرم سے گرفتار کیا گیا۔