روزنامہ قدس ۔آن لائن خبر رساں ادارہ) مقبوضہ بیت المقدس میں غیر قانونی یہودی آبادکاری کےخلاف ہونے والے احتجاجی مظاہرے پر صیہونی فوج کی فائرنگ کے بعد جھڑپوں میں درجنوں فلسطینی زخمی ہوگئے۔
مقبوضہ بیت المقدس کے شہر نابلس کے رہائشی معروف سماجی کارکن مرادشطوی کے مطابق گزشتہ روز نابلس کے قصبے کفر قدوم میں مقبوضہ بیت المقدس کے مختلف علاقوں میں تیزی سے بڑھتی ہوئی غیر قانونی یہودی بستیوں کی تعمیر کے سیکڑوں فلسطینیوں نے خلاف پر امن احتجاجی مظاہرہ کیا گیا، صیہونی فوج نے مظاہرین کو منتشر کرنے کیلئے ربڑ کی گولیاں چلائیں اور آنسو گیس کے شیل فائرکیئے جس کے نتیجےمیں درجنوں فلسطینی زخمی ہوگئے۔
سماجی کارکن مرادشطوی کا کہنا ہے کہ سخت سردی اور طوفانی بارشوں کے باوجود سیکڑوں فلسطینیوں نے قابص صیہونی ریاست کی مجرمانہ سرگرمیوں کے خلاف احتجاج میں حصہ لیا جو اس بات کی دلیل ہے کہ فلسطینی قوم کسی بھی قیمت پر قابض ریاست کے مظالم پر سمجھوتہ کرنے کیلئے تیار نہیں ہے ۔
واضح رہے کہ مقبوضہ بیت المقدس کی 164 غیر قانونی کالونیوں میں ساڑھے چھ لاکھ سے زائد غیر قانونی یہودی آباد کارجبری طورپر فلسطینیوں کی زمین پر ان کو ان کے آبائی گھروں سے بے دخل کرنے کے بعد بسائے گئے ہیں ۔