(روزنامہ قدس ۔آن لائن خبر رساں ادارہ) صیہونی فوج نے مقبوضہ بیت المقدس کے مختلف علاقوں میں کارروائیاں کرتے ہوئے 70 سالہ بزرگ فلسطینی سمیت چارفلسطینی باشندوں کو گرفتارکرلیا۔
عینی شاہدین نے بتایا کہ قابض فوج نےمقبوضہ بیت المقدس کے علاقے باب الاسباط سے تعلق رکھنے والے 70 سالہ علی عجاج کو نامعلوم وجوہات کی بنا پر گرفتارکرکے نامعلوم مقام پر منتقل کردیا ۔
دوسری جانب صیہونی فوج نے مقبوضہ بیت المقدس کے شہر بابلس کے پنا ہ گزین کیمپ میں چھاپہ مارکارروائی کرتے ہوئے چار فلسطینی باشندوں کو بھی گرفتارکرلیا ۔
واضح رہے کہ رواں سے کی ابتداء سے ہی مقبوضہ بیت المقدس میں اسرائیلی فوج کے ہاتھوں فلسطینیوں کی گرفتاریوں کے واقعات میں غیرمعمولی اضافہ دیکھنے میں آرہا ہے گزشتہ سال اسرائیلی فوج نے بیت المقدس سے 2037 فلسطینیوں کو گرفتار کیا گیا۔ ان میں 498 بچے اور 77 خواتین شامل تھیں۔