(روز نامہ قدس ۔آنلائن خبر رساں ادارہ ) فلسطینیوں کے خلاف قابض صیہونی فوج کی ظالمانہ اور غیر منصافانہ سرگرمیاں عروج پر پہنچ گئی ہیں ، صیہونی فوج نے فلسطینی باشندوں کے تعمیراتی سامان کو بلا جواز ضبط کرلیا ۔
سماجی کارکن فواد العمور نے میڈیا کو بتایا کہ قابض اسرائیلی فوجیوں نے مغربی کنارے کے شہر الخلیل جنوب میں یطا قصبے میں بیرین کے علاقے میں تعمیراتی علاقے میں کارروائی کرتے ہوئے فلسطینیوں کی کھدائی کی مشینیں اور دیگر تعمیراتی سامان کو ضبط کرلیا ۔
واضح رہے کہ اس سے قبل قابض صیہونی فوج فلسطینیوں کے گھروں کو غیر قانونی قرار دیتے ہوئے مسمار کرنے کا سلسلہ جاری رکھے ہوئے اور جبکہ فلسطینی باشندوں کی زرعی زمین اور کھیتوں کو بھی تباہ کیا جارہاہے ۔