(روز نامہ قدس ۔آنلائن خبر رساں ادارہ ) قابض صیہونی فوجیوں نے آج صبح چھاپہ مار کارروائیوں کے دوران مقبوضہ بیت المقدس سے دو فلسطینی طلبہ کو گرفتار کرکے نامعلوم مقام پر منتقل کردیا۔
مقامی ذرائع کے مطابق قابض صیہونی فوجیوں نے آج صبح مقبوضہ بیت المقدس کے جنوبی شہر الطور میں چھاپہ مارکارروائیوں کے دوران روایتی لوٹ مار کرتے ہوئے دو فلسطینی طلبہ عامر سمیع ابو الھوا اور عابد ایاد کو ان کے گھروں سے گرفتار کرکے نامعلوم مقامات پر منتقل کردیا ۔
واضح رہے کہ اس وقت صیہونی زندانوںمیں ہزاروں فلسطینی باشندے بغیر کسی جرم کے انتظامی حراست کی غیر قا نونی پالیسی کے تحت پابند سلاسل ہیں۔