(روز نامہ قدس ۔آنلائن خبر رساں ادارہ ) قابض فوجیوں نے حفاظتی باڑ کی دوسری جانب فلسطینی علاقے میں داخل ہوکر فلسطینی مزدورں کو چاروں جانب سے گھیرکر آنسو گیس کے شیل فائرکئے اور فائرنگ کی جس سے ایک فلسطینی شدید زخمی ہوگیا۔
مقامی ذرائع کے مطابق قابض صیہونی فوجیوں نے مقبوضہ بیت المقدس کے شہر طولکرم کے جنوبی علاقے میں فلسطینی علاقے کو صیہونی ریاست اسرائیل سے علیحدہ کرنے والی حفاظتی باڑ کو عبورکیا اور فلسطینی مزدوروں کو چاروں جانب سے گھیر کر ان پر آنسو گیس کی شیلنگ کی، قابض فوجیوں نے آنسو گیس کی شیلنگ سے محفوظ رہنے کیلئے فرار ہونے والے فلسطینیوں کا تعاقب کیا اور فائرنگ کی جس کےنتیجے میں ایک فلسطینی کے شدید زخمی ہونے کی اطلاع ہے۔