(روز نامہ قدس ۔آنلائن خبر رساں ادارہ ) صیہونی فوج نے نام نہاد تلاشی کے نام پر فلسطینی گھروں میں لوٹ مار شروع کی جس پر فلسطینی نوجوان نے قابض فوج پر پتھراؤ کیا ، جھڑپوں میں پانچ فلسطینی نوجوان زخمی ہوگئے۔
مقامی ذرائع سے حاصل اطلاعات کے مطابق قابض صیہونی فوج نےمقبوضہ مغربی کنارے میں نابلس شہر سے دو کلو میٹر دور پناہ گزین کیمپ میں نام نہاد تلاشی کے نام پر روایتی لوٹ مار شروع کی اور مکینوں کو تشدد کا نشانہ بنایا جس کے ردعمل میں فلسطینی نوجوانوں نے قابض فوجیوں پر پتھراؤ کیا ۔
اسرائیلی فوجیوں نے مظاہرین کو منتشر کرنے کیلئے آنسو گیس کی شیلنگ کی اور براہ راست فائرنگ کی جس کے نیتجے میں پانچ فلسطینی نوجوانوں کے زخمی ہونے کی اطلاعات ہیں ۔
زخمیوں میں تین کے ٹانگوں میں گولیاں ماری گئیں جبکہ دو کے کمر اور پیٹ میں گولیاں ماری ، زخمیوں کو قریبی "رافیضدیہ” اسپتال منتقل کردیا گیا ہے جس میں سے دو کی حالت تشویشناک بتائی جارہی ہے ۔