(روزنامہ قدس ۔آن لائن خبر رساں ادارہ) صیہونی فوج نے دعویٰ کیا ہے کہ فلسطینی نوجوان نے ان پر حملہ کیا تھا جس پر انھیں نوجوان کو نشانہ بنانا پڑا
فلسطینی کی وزارت صحت کی جانب سے جاری بیان میں بتایا گیا ہے کہ گزشتہ روز مقبوضہ فلسطین کے شہر رام اللہ کے مغربی علاقے نعلین کے رہائشی سفیان الخواجہ کو صیہونی فوج نے فائرنگ کرکے شہید کردیا جبکہ ایک زخمی ہوگیا ہے ۔
قابض اسرائیلی فوج کی جانب سے جاری بیان میں دعویٰ کیا گیا ہے کہ مشتعل فلسطینیوں کی جانب سے فوجیوں کی گاڑیوں پر حملہ کیا جس کو نظر انداز کیا گیا تاہم دوبارہ حملے کے بعد فلسطینی شرپسندوں کو نشانہ بنایا گیا ،
فلسطین کی سرکاری خبر رساں ایجنسی وفا نے بتایا کہ اسرائیلی فوج نے زخمی فلسطینی نوجوان سفیان الخواجہ کو طبی امداد فراہم کرنےکیلئے آنے والی ایمبولینس کو زخمی کو اسپتال لے جانے کی اجازت نہیں دی جس کے باعث خون زیادہ بہہ جانے کے باعث زخمی کی شہادت ہوگئی ۔