(روزنامہ قدس ۔آن لائن خبر رساں ادارہ) گھر گھر تلاشی کے کے خلاف احتجاج کرنے پر اسرائیلی فوج کی فائرنگ اور آنسو گیس کی شیلنگ سے ایک فلسطینی زخمی متعدد بے ہوش ہوگئے۔
مقامی ذرائع کے مطابق صیہونی فوج نے مقبوضہ مغربی کنارے کے وسطی شہر رام اللہ میں دیر نظام کے مقام پر گھر گھر تلاشی کے نام پر روایتی لوٹ مار اور توڑپھوڑ کی جس کے خلاف فلسطینی نوجوانوں نے صیہونی فوج کے غیر قانونی اور غیر انسانی اقدام پر احتجاج کیا۔
پر امن مظاہرین کو منتشر کرنے کیلئے صیہونی فوج نے طاقت کا بھرپور استعمال کرتے ہوئے مظاہرین پر آنسو گیس کی شیلنگ اور فائرنگ کی جس کی زد میں آکر ایک فلسطینی نوجوان زخمی ہوگیا جبکہ دم گھٹنے سے متعدد مظاہرین بے ہوش ہوگئے ۔