(روزنامہ قدس ۔آن لائن خبر رساں ادارہ) گزشتہ روز جمعہ کو صیہونی فوج کی جانب سے اکیس فلسطینی خاندانوں کو اپنے مکانات کو فوری طور پر خالی کرنے کے نوٹس جاری کیے گئے ہیں۔
گزشتہ روز قابض صیہونی فوجی حکام نے فلسطین کے مقبوضہ مغربی کنارے کے وسطی شہر رام اللہ کے نواحی علاقے وادی السیق میں 21 فلسطینی خاندانوں کے مکانات غیرقانونی قرار دے کرانہیں فوری طورپر خالی کرنے اور مسمار کرنے کا حکم دیتے ہوئے کہا ہے کہ مکانات کو غیر قانونی طورپر تعمیر کیا گیا ہے اسلئے فوری طورپر مسمار کیا جائے بصورت دیگر اسرائیلی بلدیہ مکانات کی مسماری کا عمل شروع کرے گی جس کے تمام اخراجات فلسطینی خاندانوں کو اداکرنا ہوں گے ۔