(روزنامہ قدس ۔آن لائن خبر رساں ادارہ) صیہونی فوج نے شعفاط پناہ گزین کیمپ پر حملہ کیا داخلی اور خارجی راستوں کو سیل کرکے فلسطینیوں کے گھروں میں توڑ پھوڑ کی اور مکینوں کو زدوکوب کیا ۔
مقامی ذرائع کے مطابق بدھ کی صبح صیہونی فوج نے مقبوضہ بیت المقدس کے علاقے شعفاط پناہ گزین کیمپ کے داخلی اور خارجی راستوں کو سیل کردیا اور فلسطینیوں کے گھروں میں تلاشی کے نام پر توڑپھوڑ اور لوٹ مارکی تاہم کسی گرفتاری کے حوالے سے کوئی معلومات فراہم نہیں ہوسکی ہے ۔
واضح رہے کہ عالمی وباء کورونا وائرس کے فلسطینی علاقوں میں پھیلاؤں کے بعد سے صیہونی فوج اور پولیس کی جانب سے مقبوضہ بیت المقدس کے مختلف علاقوں چھاپہ مارکارروائیوں اور گرفتاریوں میں غیرمعمولی اضافہ دیکھنے میں آیا ہے۔مقامی افراد کا کہنا ہے کہ صیہونی فوج کورونا وائرس کے بحران کے دوان رہائشیوں کو خوراک کی تقسیم سے روکنے کیلئے بڑے پیمانے پر گرفتاریاں کررہی ہے۔