(روزنامہ قدس ۔آن لائن خبر رساں ادارہ ) صیہونی فوج نے راس العمود کے رہایشی فلسطینی نوجوان کو اس کے گھر سے اغوا کرکے نامعلوم مقام پر منتقل کردیا۔
عینی شاہدینکا کہنا ہےکہ آج صبح صیہونی فوج نے15سالہ فلسطینی نوجوان عمر شویکی کو تلاشی کے دوران گھر سے اغوا کیا اور اس کے والد کو تشدد کا نشانہ بنایا، اغوا ہونے والے بچے کے حوالے سے کسی قسم کی کوئی معلومات فراہم نہیں کی گئی ہے۔
واضح رہے کہ صیہونی فوج اور پولیس کی جانب سے مقبوضہ بیت المقدس کے مختلف علاقوں میں خواتین اور بچوں سمیت فلسطینی شہریوں کی گرفتاریوں میں غیر معمولی تیزی دیکھنےمیں آرہی ہے جبکہ اس کے ساتھ ساتھ فلسطینی آبادیوں پرصیہونی آبادکاروں کے حملوں میں بھی اضافہ ہوا ہے ۔