(روزنامہ قدس ۔آن لائن خبر رساں ادارہ) صیہونی فوج نے دعویٰ کیا ہے کہ پانچوں فلسطینیوں کو غیر قانونی طورپر اسرائیل میں داخل ہونے پر گرفتارکیا گیا ہے۔
صیہونی ریاست کے ذرائع ابلاغ کے مطابق مقبوضہ فلسطین کے مغربی کنارے کے شمالی شہر جنین میں طورہ کے مقام پر صیہونی فوج نے ایک چھاپہ مار کارروائی کے دوران 5 فلسطینی باشندوں کو گرفتار کیا ہے ۔
واضح رہے کہ صیہونی ریاست کی جانب سے فلسطینی علاقوں کو قابض ریاست سے علیحدہ کرنے کیلئے ایک طویل دیوار تعمیر کی گئی ہے جس کو دیوار علیحدگی یا دیوار فاضل کہا جاتا ہے جبکہ اسرائیلی حکام نے اس دیوار میں متعدد مقامات پر گزشرگاہیں بنائی ہوئی ہیں جس کے استعمال سے صیہونی فلسطینی علاقوں میں داخل ہوتے ہیں اور گھر گھر تلاشی کے نام پر لوٹ مار اور گرفتاریاں کرتے ہیں۔