(روزنامہ قدس ۔آن لائن خبر رساں ادارہ)صیہونی فوج نے تاریخی مسجد ابراہیمی کے مرمتی اور تزئین وآرائش پر پابندی عائد کرتے ہوئے کہا ہے کہ انتظامیہ کے پاس مرمتی کام کا اجازت نامہ نہیں ہے۔
مسجد ابراھیمی کے ڈائریکٹر الشیخ حفدی ابو سنینیہ نے صیہونی حکام کی بلا جواز پابندیوں کی مذمت کرتےہوئے کہا ہے کہ اسرائیلی حکام کے پاس اس بات کا اختیار نہیں ہے کہ وہ مسجد ابراہیمی میں کسی بھی قسم کے تعمیراتی، بحالی اور مرمتی کام کو روک سکیں، مقبوضہ فلسطین میں مقدس مقام کی مرمت اور تزئین و آرائش کا مکمل اختیار صرف فلسطینی وزارت اوقاف اور مذہبی امور کے پاس ہے۔