(روز نامہ قدس ۔آنلائن خبر رساں ادارہ ) قابض فوجیوں نے فلسطینی نوجوان کے سرمیں اس وقت گولی مارکر شدید زخمی کردیا جب وہ دیوار علیحدگی کے قریب سے گزر رہا تھا۔
مقامی ذرائع اور عینی شاہدین کا کہنا ہے کہ قابض صیہونی فوجیوں نے24 سالہ فلسطینی نوجوان محمود یاسر قصراوی کا کچھ دوسرے فلسطینی محنت کشوں کے ساتھ تعاقب کیا اور دیوار علیحدگی کے قریب بغیر خبردار کرتے ہوئے براہ راست سر میں گولی ماری ، جس کا واضح مطلب ہے کہ صیہونی فوجی فلسطینی نوجوان کو روکنا یا زخمی کرنا نہیں چاہتے تھے بلکہ براہ راست سرکو نشانہ بنانے کا مطلب ہ نوجوان کو شہید کرنا ہے ۔
شدید زخمی ہونے والے فلسطینی نوجوان محمودیاسر قصراوی کو بےہوشی کی حالت میں اسپتال منتقل کیا گیا ہے، اہل خانہ کا کہنا ہے کہ قصراوی کو نابلس کے رفیدیای اسپتال میں انتہائی نگہداشت وارڈ میں منتقل کیا گیا ہے۔