صیہونی فوج نے فلسطینی قیدیوں میں کورونا وائرس پھیلادیا

(روزنامہ قدس ۔آن لائن خبر رساں ادارہ) بتاح تکفا حراستی مرکز میں صیہونی فوجی افسر نے فلسطینی قیدوں سے تفتیش کی جس کے باعث فلسطینی قیدی اس مہلک مرض کا شکار ہوئے۔

فلسطینی قیدیوں کی تفصیلات فراہم کرنے والے ادارے اور تنظیم تحریک اسیران نے انکشاف کیا ہے کہ گزشتہ جمعرات کو صیہونی زندانوں میں قید چار فلسطینی باشندوںمیں کورونا وائرس کی تصدیق ہوئی ہے ، انھوں نے کہا ہے کہ چاروں فلسطینی قیدیوں سے صیہونی فوجی افسر نے "مجد جیل” کے بتاح تکفا حراستی مرکز میں غیر ضروری تفیش کی جس کے بعد چاروں فلسطینی قیدیوں میں کورونا وائرس کی تصدیق ہوئی ہے ۔

اداروں کا کہنا ہے کہ مجد جیل میں صیہونی فوجی تفتیش کار نے 4 فلسطینی قیدیوں سے بلا جواز تفتیش کے نام پر کئی گھنٹے ایک مقام پر رکھا اور اس کے بعد یہ چاروں قیدی کورونا وائرس کا شکار ہوئے ، جس کا واضح ثبوت ہے کہ تفتیش کار نے دانستہ چاروں فلسطینی قیدیوں میں یہ مہلک مرض  پہنچایا ۔

واضح  رہے کہ یہ چاروں فلسطینی قیدی جس وارڈ میں  قید ہیں اس میں فلسطینی قیدیوں کی تعداد 70 سے زائد ہے ، صیہونی جیل حکام نے دانستہ طورپر اس خبرکو عام کرنے سے روکا جس کے نتیجے میں مزید فلسطینی قیدیوں کی زندگی خطرے میں پڑ گئی ہے۔