(روزنامہ قدس ۔آن لائن خبر رساں ادارہ ) اسرائیلی پولیس کے ہاتھوں گرفتار احمد ابو غزالیہ کی اہلیہ کو اس سے قبل تین مرتبہ مسجد اقصیٰ سے بے دخل کیا جاچکا ہے جبکہ ان کے شوہر ا حمد ابو غزالیہ تین سال کی قید کاٹ کر رہا ہوئے ہیں۔
مقامی ذرائع کےمطابق آج صبح صیہونی پولیس اور خفیہ ایجنسی کے اہلکاروں نے احمد ابو غزالیہ کی اہلیہ کو مقبوضہ بیت المقدس کے علاقے باب حطہ سے اس وقت گرفتار کیاجب وہ اپنے پانچ ماہ کے بچے کے ساتھ گھر سے جارہی تھی۔
صیہونی پولیس کی جانب سے گرفتاری کے حوالے سے کوئی تفصیلات فراہم نہیں کی گئی ہیں تاہم اتنابتایا گیا ہےکہ انھیں تفتیش کیلئے“القشلہ” حراستی مرکز لے جایا گیا ہے۔
واضح رہے کہ گرفتارخاتون کو اس سے قبل بھی تین مرتبہ مسجد اقصیٰ سے بے دخل کیا جاچکا ہے جبکہ ان کے شوہر حالیہ ہی تین سال کی قید کاٹ چکےہیں ۔