(روزنامہ قدس ۔آن لائن خبر رساں ادارہ) قابض صیہونی فوج نے بلدیہ کے بلڈوزروں کے ہمراہ قلندیہ قصبے کے داخلی دروازے کے قریب کے علاقے میں قائم فلسطینیوں کے تجارتی املاک کو بغیر کسی نوٹس کے مسمار کردیا۔
ذرائع کے مطابق قابض فوج نے مقبوضہ بیت المقدس میں الرام قصبے کے داخلی دروازے اور قلندیہ کراسنگ کے آس پاس کے علاقے میں فلسطینی باشندوں کی تجارتی املاک اور اسٹالز کو بغیر کسی نوٹس کےا چانک مسمار کردیا جبکہ قابض فوج نے دوکانداروں کو تشدد کا نشانہ بناتے ہوئے گرفتار بھی کیا جس سے علاقے میں اسرائیلی فوجیوں اور تاجروں کے درمیان جھڑپیں شروع ہو گئیں۔
اسرائیلی فوجیوں نے اس د وران آنسو گیس کی شیلنگ اور فائرنگ کی جس سے دو فلسطینیوں کے زخمی ہونے کی اطلاع ہے ۔