(روزنامہ قدس ۔آن لائن خبر رساں ادارہ) محض رمضان سے ایک روز قبل صیہونی فوج نے فلسطینی خاندان کے گھر کو غیر قانونی قرار دیتے ہوئے مسمار کردیا۔
مقامی ذرائع کے مطابق جمعرات کے روز صیہونی فوج نے مقبوضہ بیت المقدس کے شہر اریحا میں ہشام اولیان کے عارضی گھر پر دھاوا بولا اور غیر قانونی تعمیرات قرار دیتے ہوئے اس کے گھر کو سامان سمیت کو مسمار کردیا جس کے باعث گھر میں رہنے والے دس افراد رمضان المبارک کے آغاز سے پہلے ہی بے گھر ہوگئے ۔
صیہونی فوج نے مقامی افراد کو اور میڈیا کو جائے وقوع پر جانے کی اجازت نہیں دی
واضح رہے کہ صیہونی حکام فلسطینیوں کو ان کے آبائی علاقوں سے بے دخل کرنے کیلئے آئے روز نت نئے مظالم اور انتقامی حربے استعمال کرتے ہوئے نہتے فلسطینیوں پر عرصہ زندگی تنگ کررہے ہیں جس کا مقصد فلسطینی آبادیوں پر غیر قانونی یہودی آبادکاری کے منصوبوں کو آگے بڑھانا ہے ۔