(روزنامہ قدس ۔آن لائن خبر رساں ادارہ) اسرائیلی فوج نے ایک اور فلسطینی خاندان کے گھر کو غیر قانونی قرار دیتے ہوئے مسمار کردیا۔
مقامی ذرائع کے مطابق مقبوضہ بیت المقدس کے مشرقی علاقے سلوان کے السویح قصبے میں اسرائیلی بلدیہ کے عملے نے صہیونی فوج کے ہمراہ بیوہ فلسطینی خاتون عائشہ حجازی کے گھر کو غیر قانونی قرار دیتے ہوئے مسمار کردیا ہے ۔
یہ مکان گزشتہ چھ سال قبل تعمیر کیا گھا جس میں عائشہ حجاز اپنے بچوں کے ہمراہ رہائش پزیر تھی جو اب مکان کی مسماری کے بعد کھلے آسمان تلے زندگی گزارنے پر مجبور ہیں ۔
واضح رہے کہ مقبوضہ فلسطین میں صہیونی ریاست کی جانب سے انتقامی کارروائیاں پہلے بھی جاری تھی تاہم امریکی صدر کی جانب سے مشرقی وسطیٰ کیلئے تیار کردہ نام نہاد امن منصوبے صدی کی ڈیل کے اعلان کے بعد فلسطینیوں کے خلاف اسرائیلی ریاستی دہشتگردی میں غیر معمولی اضافہ دیکھنےمیں آرہا ہے ۔