(روز نامہ قدس ۔آنلائن خبر رساں ادارہ ) صیہونی فوج نے فلسطینی نوجوان کو گولیاں مار کر شہید کیا اور الزام عائد کیا کہ نوجوان نے اسرائیلی فوجی پر قاتلانہ حملہ کیا تھا۔
تفیلات کے مطابق قابض آج صبح صیہونی فوج نے مقبوضہ مغربی کنارے کے جنوبی شہر بیت لحم میں غیر قانونی صیہونی بستی ‘غوش عتصیون’ چوک کے قریب ایک فلسطینی نوجوان کو اندھا دھند گولیاں مار کر شہید کر دیا اوربے بنیاد الزام عائد کرتے ہوئے قتل جواز پیش کیا کہ فلسطینی نوجوان نے تیز دھار آلے سے موقع پر موجود اسرائیلی فوجی پر قاتلانہ حملہ کیا جس کے جواب میں فائرنگ کی گئی جس سے فلسطینی موقع پر شہید ہوگیا، تاحال نوجوان کی شناخت نہیں ہوسکی۔
فلسطینی نوجوان کو شہید کرنے کے بعد قابض فوجیوں نے مقبوضہ بیت المقدس کے شہر الخلیل سے بیت لحم کو ملانے والی اہم شاہراہ کو بند کردیا جس کے باعث بدترین ٹریفک جام ہوگیا۔