(روز نامہ قدس ۔آنلائن خبر رساں ادارہ ) قابض فوج نے دو معمر فلسطینی بہنوں کی اکلوتی پناہ گاہ ان کے گھر کو ضبط کرکے دونوں ضعیف خواتین کو بے گھر کردیا ۔
مقامی سماجی رہنما راتب الجبور کے مطابق قابض فوج نے مقبوضہ بیت المقدس کے شہر الخلیل میں یطا قصبے کے مشرق میں بیرین گاوں کی رہائشی جن دو فلسطینی خواتین کو ان کےگھروں سے بے دخل کیا ہے ان میں ایک 85 سالہ الحصن اور 65 سالہ زینہ شامل ہیں دونوں کا کوئی کفیل نہیں ہے جبکہ مذکورہ مکان انسانی ہمدردی اور خدمت کے تحت خیراتی ادارے "عین الشمس "کی جانب سے فراہم کیا گیا تھا جس کو ضبط کرکے قابض فوج نے بزرگ فلسطینی خواتین کو بے گھر کردیا ہے ۔