(روزنامہ قدس ۔آن لائن خبر رساں ادارہ) قابض صیہونی فوج نے چھاپہ مارکارروائیوں اور جھڑپوں کے دوران مقبوضہ بیت المقدس سے تین بچوں سمیت چھ فلسطینی باشندوں کو اغواء کرلیا ۔
مقامی ذرائع کے مطابق قابض صیہونی فوج نے مقبوضہ بیت المقدس کے مغربی کنارے کے شہر بیت لحم کے جنوبی علاقے بیت فجار پر چھاپہ مارکارروائی کرتے ہوئے تین سگے بھائی 17 سالہ موسیٰ دیریہ ، 18 سالہ امیر دیریہ اور 18سالہ طارق دیریہ کو ان گے گھر سے اغواء کرلیا ۔
تینوں نو عمر بھائیوں کی بلاجواز گرفتاریوں کے خلاف خلاف احتجاج کرنے والے فلسطینی شہریوں اور اسرائیلی فوجیوں کے دوران پر تشدد جھڑپیں پھوٹ پڑیں، قابض صہیونی فوج نے فلسطینی نوجوانوں پر اشک آور کے گول پھینکے اور ربڑ کے خول میں لپٹی اسٹیل کی گولیاں چلائیں ۔
صہیونی فوج نے الخلیل میں متعدد علاقوں پر چھاپہ مارکارروائی کی اور دو فلسطینی شہریوں کو حراست میں لے لیا جن کی شناخت یوسف امر اور محمد الکوابزہ کے ناموں سے ہوئی۔رات کے وقت اسرائیلی فوجیوں نے فلسطینی نوجوانوں 26 سالہ سند الجعیدی کو قلقیلیہ فوجی چوکی کے قریب تشدد کا نشانہ بنایا اور اسے حراست میں لینے کے بعد نامعلوم مقام پر منتقل کر دیا۔