(روز نامہ قدس ۔آنلائن خبر رساں ادارہ ) مزاحمتی تحریک حماس کا کہنا ہے کہ ماورائے عدالت قتل، گرفتاریاں اور غیر انسانی اقدامات فلسطینیوں کے جذبہ آزادی کو روکنےمیں ناکام ہیں، خون کے آخری قطرے تک ارض مقدس کادفاع کرتے رہیں گے۔
مقبوضہ فلسطین میں صیہونی مظالم کے خلاف برسرپیکار اسلامی مزاحمتی تحریک حماس کے ترجمان حازم قاسم نے صیہونی فوجی عدالت عوفر سے فلسطینی مزاحمتی تحریک عوامی محاذ برائے آزادی فلسطین کی خاتون رہنما خالدہ جرار کی دو سال قید کی سزا کی سخت الفاظ میں مذمت کرتے ہوئے کہا ہے کہ صیہونی مظالم اور اسرائیلی ریاستی دہشتگردی فلسطینیوں کے جذبہ آزادی کو روکنے میں ناکام ہے، فلسطینی ارض مقدس کے دفاع کیلئے تیار ہیں ہم خون کے آخری قطرے تک فلسطین کا دفاع کرتے رہیں گے۔