(روزنامہ قدس ۔آن لائن خبر رساں ادارہ) شہید فلسطینی صیہونی جیل میں پراسرارطورپر بے ہوش ہو ا سے بروقت کسی قسم کی طبی امداد فراہم نہیں کی گئی دم توڑدینے کے بعد شہید کو اسپتال منتقل کیا گیا۔
تفصیلات کے مطابق غرب ارن کے رہائشی 23 سالہ نورالدین جابر البرغوثی صیہونی ریاست کی جزیرہ نما النقب کی جیل میں اچانک بے ہوش ہوگیا تھااسے بروقت کسی قسم کی طبی امداد فراہم نہیں کی گئی اور حالت خراب رہنے کے باوجود کئی گھنٹے کے بعد اسے اسپتال منتقل کیا گیا تھا جہاں وہ پردم توڑ گیا تھا۔
شہید کے جسد خاکی کو گزشتہ روز غرب اردن کے وسطی شہر رام اللہ کے نواح میں اس کے آبائی علاقے عابود میں حمیدی البرغوثی قبرستان میں سپرد خاک کردیا گیا۔
واضح رہے کہ اسرائیل کی جیلوں میں اب بھی 5 فلسطینی شہداء کے جسد خاکی موجود ہیں جو ان کے اہل خانہ کو حوالے نہیں کیے گئے ہیں۔