(روزنامہ قدس ۔آن لائن خبر رساں ادارہ ) غیر قانونی صیہونی آبادکار کے قتل کے الزام میں صیہونی فوجی عدالت کا فلسطینی نوجوانو کو عمر قید اور 12 لاکھ شیکل جرمانے کا حکم۔
تفصیلات کےمطابق صیہونی فوجی عدالت نے مقبوضہ بیت المقدس کے شہر الخلیل کے جنوبی قصبے یطا کے رہائشی 18 سالہ فلسطینی نوجوان خلیل جبارین کو و 16 ستمبر 2918ء کو گوش عتصیون یہودی کالونی میں رامی لیوی کمپلیکس میںگھس کر ایک اسرائیلی فوجی کوچاقو کے وار کرکے ہلاک کرنے کے الزام میں عمر قید اور 12 لاکھ شیکل جرمانے کی سزا سنائی۔
گرفتاری کے وقت خلیل جبارین کی عمر 16 سال تھی جس کو صیہونی فوجیوں نے متعدد گولیاں مارکر زخمی کردیا تھا تاہم وہ زندہ رہا جبارین کی طبی حالت اب بھی خراب ہے اور اسے اس کے باوجود کڑی سزا دی گئی ہے۔
اسیران میڈیا سینٹر کی رپورٹ کے مطابق ھداسا اسپتال کے ڈاکٹروں کا کہنا ہے کہ انہوںنے جبارین کے جسم میں پیوست ہونے والی متعدد گولیاں نکالی ہیں مگر اس کے باوجود اس کی حالت اطمینان بخش نہیں ہے۔