(روزنامہ قدس ۔آن لائن خبر رساں ادارہ) صیہونی زندانوں میں عالمی وباء کوروناوائرس پھیلنے کی خبر کے بعد اسرائیلی جیلوںمیں قید فلسطینی قیدیوں کے ساتھ غیر انسانی سلوک جاری ہے ، جیل حکام کی جانب سے وباء سےبچاؤ کیلئے کوئی اقدامات نہیں کیئے گئے قیدی اپنی جرابوں کو بطور ماسک استعمال کرنے پر مجبور ۔
فلسطین میں کرونا کی وباء کےپھیلنے کے بعد انسانی حقوق کے حلقوں کی طرف سے اسرائیلی زندانوں میں پابند سلاسل فلسطینیوں کی صحت کی حفاظت کے حوالے سے سخت تشویش کا اظہار کررہے ہیں۔
ذرائع کا کہنا ہے کہ کورونا وائرس کی وباء سے بچاؤں کیلئے کسی قسم کی مدد فراہم نہیں کی گئی قیدی اپنی جرابوں کے ماسک بنا کر اس وباء کا مقابلہ کرنے کی کوشش کررہے ہیں ، صیہونی زندانوں میں کورونا وائرس کی وباء داخل ہوچکی ہے اور صیہونی جیل حکام کی جانب سے مجرمانہ غفلت کے باعث بہت جلد ہی یہ وباٰ جیلوں میں فلسطینی قیدیوں کو اپنی لپیٹ میں لے لے گی۔