(روز نامہ قدس ۔آنلائن خبر رساں ادارہ ) قابض صیہونی فوج نے گذشتہ ایک ہفتے کے دوران مقبوضہ فلسطین کے مختلف علاقوں میں ریاستی دہشتگردی کامظاہرہ کرتےہوئے تین فلسطینیوں کو شہید 54 کو زخمی جبکہ درجنوں کو گرفتارکیا۔
فلسطینی ذرائع ابلاغ کی رپورٹ کے مطابق قابض صیہونی فوج نے مقبوضہ فلسطین کے مختلف علاقوں جن میں مقبوضہ مغربی کنارے، بیت المقدس اور غزہ شامل ہیں میں گذشتہ ایک ہفتے کے دوران یاستی دہشت گردی کا مظاہرہ کرتے ہوئے تین فلسطینیوں کو شہید کیا ۔
گذشتہ روز جمعہ کو صیہونی فوج نے 34 سالہ فلسطینی خالد ماہر نوفل کو مغربی رام اللہ میں گولیاں مار کر شہید کردیا، کفر قدوم کے مقام پر 22 سالہ فلسطینی احمد حجازی کو فائرنگ سے شہید کیا ۔جمعہ کے روز سلواد، رام اللہ، کفر مالک، دیر جریر، مشرقی اللبن، بیت دجن اور قلقیلیہ میں کفر قدوم سمیت 70 مقامات پر فلسطینیوں اور صہیونی فوج کے درمیان تصادم ہوا جس میں 54 فلسطینی زخمی ہوئے اور درجنوں کو اسرائیلی فوج نے گرفتارکیا ۔
دوسری جانب صیہونی فوجی کارروائیوں اور فلسطینیوں کے گھروں میں لوٹ مار کے خلاف فلسطینی شہریوں نے قابض یہودی آباد کاروں اور قابضفوج پرسنگ باری کی، صیہونی فوج کی پٹرولنگ پارٹیوں پر پٹرول بم پھینکے جس سے چار صیہونی فوجیوں کے زخمی ہونے کی اطلاعات ہیں ۔