(روز نامہ قدس ۔آنلائن خبر رساں ادارہ ) صیہونی زندان میں قید ضعیف العمر فلسطینی اسیر فواد الشوباکی پہلے ہی مہلک امراض کا شکار تھے کہ اب کورونا وائرس سے متاثر ہونے کی بھی اطلاعات ہے جس کے باعث ان کی زندگی کو شدید خطرات لاحق ہوگئے ہیں۔
مقبوضہ فلسطین میں فلسطینی قیدیوں کی تفصیلات فراہم کرنے والے ادارے ، کلب برائے اسیران کی جانب سے جاری کردہ معلومات کے مطابق صیہونی زندان ایالا میں مقبوضہ فلسطین کے محصور شہر غزہ سے تعلق رکھنے والے ضعیف المعر فلسطینی اسیر 82 سالہ فواد الشوبا عالمی وباء کورونا وائرس سے متاثر ہونے کے بعد جیل کی قرنطینہ میں رہ رہے ہیں، رپورٹ میں الشوباکی کی صحت کےحوالے سے سنگین خدشات کا اظہار کیا ہے۔
رپورٹ میں بتایا گیا ہے کہ 82 سالہ فواد الشوبا مثانے کے کینسر سمیت دل ، اور دیگر مہلک امراض میں مبتلا ہیں جس وجہ سے انہیں مسلسل طبی امداد کی ضرورت رہتی ہے۔
واضح رہے کہ فواد الشوبا صیہونی زندانوں میں موجود سب سے پرانے اسیران میں سے ہیں جنہیں 2006 میں اسلحے سے بھری ایک کشتی غزہ اسمگل کرنے کے الزام میں حراست میں لیا گیا تھا اور 17 سال قید کی سزا سنائی گئی تھی۔