(روزنامہ قدس ۔آن لائن خبر رساں ادارہ ) صیہونی فوج کا فلسطینی خاندان کو گھر مسمار کرنے کاحکم بصورت دیگر اسرائیلی بلدیہ ان گھروں کو مہندم کرے گی اور مسماری پر آنے والے اخراجات اور بھاری جرمانے فلسطینی خاندان کو ادا کرنے ہوں گے جو ہزاروں شیکل میں ہیں۔
مقامی ذرائع کےمطابق گزشتہ شام صہیونی بلدیاتی اداروں نےمسجد الاقصی کے جنوب میں واقع سلویسی نامی قصبے میں عین لوزہ محلے میں ابو الصبیح کے خاندان کے گھر کو غیر قانونی قرار دیتے ہوئے مسمار کرنے کا حکم دیا ہے۔
مقبوضہ فلسطین میں صیہونی آبادکاری پر نظر رکھنے والی تنظیم کے رکن خالد ابو طیحہ نے مقامی میڈیا کو بتایا کہ صیہونی فوج نے فلسیطنی خاندن کےآبائی گھر کو منہدم کرنے کا حکم دیا جبکہ مظلوم گھرانے کے پاس اس گھر کی ملکیتی اجازت نامے اور دستاویزات ہونے کے باوجود مسمار کرنے کا حکم دیا ہے ۔
ابو الصبیح نے بتایا کہ اسرائیلی فوجی حکا م نے انھیں گھر کومسمار کرنے کا حکم دیا ہے بصورت دیگر اسرائیلی بلدیہ اس گھر کو مسمار کرے گی اور اس پر آنے والے تمام اخراجات اور جرمانے کی رقم ابو الصبیح کے خاندان کو اداکرنا ہوگی جو ہزاروں شیکل میں ہے ۔